15 кастрычніка 2013 года а 17-гадзіне ў Нацыянальным гістарычным музеі Рэспублікі Беларусь адкрываецца выстава “Прысвячаем маці”. Гэта сумесны выставачны праект разам з мастаком Аляксеем Кузьмічом, які вядомы як аўтар унікальнай калекцыі карцін з малюнкам Мадоны-жанчыны-маці.
Мадона для Кузьміча - усеабдымная выява, якая ўвабрала ў сябе зямное і ўзнёслае. У яго карцінах гэта не проста Мадона, а ўнутранае стаўленне мастака да жанчыны як да вышэйшай істоты. Жанчына - прыгожая, найсвяцейшая, маці. Але менавіта яму, сучаснаму беларускаму мастаку-жывапісцу Аляксею Кузьмічу, належыць адкрыццё Мадоны, яго Мадоны XXI стагоддзя. Па гэтай прычыне, Аляксея Кузьміча ў Маскве "назвалі" беларускім Рафаэлем. За два з паловай дзясятка гадоў Кузьміч намаляваў больш за шасцісот палотнаў, на якіх прадстаўлена ЯНА – жанчына. Частка яго карцін знаходзіцца ў межах дадзенага выставачнага праекта.
Пра Аляксея Кузьміча напісаны сотні артыкулаў, у тым ліку ў прэстыжных міжнародных часопісах, зняты дзясяткі тэлесюжэтаў і створана радыёперадач, а таксама два дакументальных фільма пра яго творчасць. Яго імя занесена ў шматлікія айчынныя і замежныя энцыклапедыі.
Апроч маляўнічых работ, прадстаўленых мастаком, выставу дапоўняць рэчавыя экспанаты і асабістыя дакументы Герояў Сацыялістычнай працы Е.Р. Карачан, Р.Я. Казловай, дэлегаткі VIII Надзвычайнага з'езду Саветаў, які зацвердзіў новую Канстытуцыю СССР 1936 г С.Ф. Рачок і іншых. Сярод калекцыі асабістых фондаў сустракаюцца дакументы заслужанай працаўніцы сістэмы адукацыі, аўтара чытанкі, жанчыны, якая стала для соцен беларускіх дзяцей другой матуляй, - Н.І. Сіўко. Не засталася за па–за ўвагай дзейнасць гімнасткі Вольгі Корбут і творчасць Народнай артысткі СССР і БССР Стэфаніі Станюты. Іх рэчы таксама можна ўбачыць на выставе “Прысвячаем маці”.
Эмацыянальным акцэнтам выставы стануць фотаздымкі, асабістыя пісьмы і вершы знакамітых беларускіх паэтэс і актрыс Еўдакіі Лось і Аляксандры Клімавай да сваіх сыноў. Пяшчотай і дабрынёй вее ад іх радкоў і слоў, якія крануць не адно сэрдца наведвальніка. Гэты комплекс дакументаў, а таксама і іншыя матэрыялы прадстаўлены з фондаў Беларускага дзяржаўнага архіва-музея літаратуры і мастацтва, які захоўвае ў сваіх фондасховішчах шмат цікавага.
Нацыянальны гістарычны музей Рэспублікі Беларусь
Адрас: г.Мінск, вул. К. Маркса, 12,
Штодня з 11.00 да 19.00,
тэл. для даведак (017) 327 43 22, 327 00 05
histmuseum.by